සංගා මැතිව්ස් ගැන කියන දේ.

17

ශ්‍රී ලංකා එක්දින කණ්ඩායමේ හිටපු නායක ඇන්ජලෝ මැතිව්ස් හා ශ්‍රී ලංකා ක්‍රිකට් කණ්ඩායමේ පුහුණුකරු චන්දික හතුරුසිංහ අතර ඇති ගැටලුව ඉතාමත් ඉක්මනින් විසඳා ගත යුතුව ඇතැයි ශ්‍රී ලංකා ක්‍රිකට් කණ්ඩායමේ හිටපු නායක කුමාර් සංගක්කාර පවසනවා.

ආසියානු කුසලාන තරගාවලියේදී ශ්‍රී ලංකා කණ්ඩායම ලැබූ පරාජයෙන් පසුව මැතිව්ස් එක්දින හා විස්සයි විස්ස නායකත්වයෙන් ඉවත් කිරීමට තීරණය කළ අතර ඒ සම්බන්ධයෙන් මැතිව්ස් ශ්‍රී ලංකා ක්‍රිකට් පුහුණුකරු ඇතුළුව තේරිම් කමිටුව විවේචනය කිරීමට කටයුතු කළා.

“සන්නිවේදනයේ ගැටලුව ඉතාමත් ඉක්මනින් විසඳා ගත යුතුයි. එය සෘජුව, අවංකව හා පැහැදිලි සාකච්ඡාවකින් කළ යුතුයි. මේ තීරණය ගත්තේ ඇයි කියා එවිට මහජනතාවට පැහැදිලි අදහසක් ඇති වෙනවා.

නමුත් හතුරුසිංහගේ ක්‍රමෝපායන් තුළ මැතිව්ස්ට ඉක්මනින්ම කණ්ඩායමට ඒමට හැකිවේවි කියා මම හිතනවා.

කණ්ඩායමට හොඳ අගයක් එකතුකළ හැකි ක්‍රීඩකයෙක් බව මැතිව්ස් පසුගිය කාලයේදී පෙන්වා තිබෙනවා. ඒ වගේම මැතිව්ස් නැවතත් පන්දු යැවීම ආරම්භ කිරීම ඉතාමත්ම වැදගත්. ”  යැයි සංගා පවසනවා.

එසේම එක්දින ලෝක කුසලානයේදී ශ්‍රී ලංකා කණ්ඩායම වෙනුවෙන් හොඳ වගකීමක් ඉටුකළ හැකි ක්‍රිඩකයෙක් ලෙස මැතිව්ස් හැඳින්විය හැකි බවත් සංගක්කාර ප්‍රකාශ කරනවා.