හිටපු හමුදා සෙබළෙකු වසර 10ක් සිරගෙට

392
Representative Image

ඉඩම් ආරවුලක් මුල් කරගෙන පිහියකින් ඇන සිය ලොකු තාත්තා ඝාතනය කර අනියම් මිනී මැරුමක් සිදු කළ හිටපු හමුදා සෙබළකුට වයඔ පළාත් බද සිවිල් අභියාචනා මහාධිකරණයේ විනිසුරු සුමුදු පේ‍්‍රමචන්ද්‍ර මහතා වසර 10ක බරපතල වැඩ සහිත සිර දඬුවමක් නියම කළේය.

ඊට අමතරව රුපියල් 1500ක දඩයක් ගෙවන ලෙසටද විත්තිකාර නුවරඑළිය වලපනේ වැලහිඳ පදිංචි එච්. එම්. ලීලානන්ද සරත් කුමාර නමැති හිටපු සෙබළාට නියම කෙරිණි.

විත්තිකරු සක‍්‍රීය යුද හමුදා සේවයේ යෙදී සිටියදි මෙම වරද සිදු කර ඇති බව අධිකරණ නඩු විභාගයේදී අනාවරණ විය.

2010 වසරේ ජූලි මස 26 වන දින හෝ ඊට ආසන්න දිනයක නුවරඑළිය මහාධිකරණ බල ප‍්‍රදේශයට අයත් වලපනේ වැලහිද දී එච්.එම්. උපසේන (60) නමැති සිය පියාගේ වැඩිමහල් සොයුරාට (ලොකු තාත්තා) පිහියකින් ඇන ඔහු මරා දමා අනියම් මිනීමැරුමක් සිදු කළැයි විත්තිකරුට එරෙහිව නඩු පවරා තිබිණි.

මෙම මනුෂ්‍ය ඝාතනය සිදුව ඇත්තේ සමුච්චික ප‍්‍රකෝප කිරීමක් හේතුවෙන් ඇති වූ සිද්ධියක් මුල් කර ගෙන බව අධිකරණ නඩු තීන්දුවේ සඳහන්ය.