මහින්දයි ගෝඨායි පැනලා ගියේ නෑ – සරත් ෆොන්සේකා.

36

‍යුද්ධය අවසන් සති දෙකේදී හිටපු ජනපති, ආරක්ෂක ලේකම් හා එවක  හමුදාපති රටින් පිටව ගිය බවට ජනපති මෛත්‍රීපාල සිරිසේන මහතා ඇමෙරිකාවේදී ප්‍රකාශ කළා.

එම කාලයේදී කොළඹට ප්‍රහාරයක් එල්ල කිරීමේ සැලසුමක් පිළිබඳව තොරතුරු වාර්තා වූ බැවින් එසේ ඔවුන් දිවයිනෙන් පිටව ගිය බවත් ඒ නිසා තමන් අවසන් සති දෙකේදී ආරක්ෂක ඇමති ලෙස වැඩ බැලූ බවත් ජනපති මෛත්‍රීපාල සිරිසේන මහතා ප්‍රකාශ කළා.

ඒ සම්බන්ධයෙන් පිළිතුරු ප්‍රකාශයක් කළ එවක හිටපු යුද හමුදාපති, අමාත්‍ය සරත් ෆොන්සේකා මහතා සඳහන් කළේ අවසන් සති දෙකේදී කිරීමට දෙයක් නොතිබූ බවත් හමුදාවේ කෝප්‍රල්වරුන් හා සාජන්වරු ලෙස හිතන මිනිසුන් එවැනි ප්‍රකාශ කරන බවත්.

එසේම හිටපු ජනපතිවරයාත් ආරක්ෂක ලේකම්වරයාත් එසේ යුද්ධයෙන් පැන නොගිය බවත් මුහු ප්‍රකාශ කළා.

“යුද්ධය කරන කාලයේදී අපට පරිපාලනය ගැන, වෙනත් වගකීම් හමුදාව ශක්තිමත් කිරීම් හුඟක් දේවල් සිදුවෙනවා. යුද්ධයක් පටන් ගත්ත වෙලේ ඉඳලා කොකා මිරික මිරික ඉන්නේ නෑ. යුද්ධය තියෙන කාලයේ අවසානය වෙන කොට මම දන්නවා හිටපු ජනපතිතුමා යම්කිසි කටයුත්තකට පිටරට ගිහින් ආවා.

මටත් චීනයට යන්න වුණා. නමුත් යුද්ධය කියන එක අන්තිම සුමාන දෙක තුනේ සිද්ධවුණ දෙයක් නෙමයි. අන්තිම සුමාන දෙකේ ඇත්තටම කෝප්‍රල්ලට සාජන්ලට කරන්න වැඩක් විතරයි ඉතුරු වෙලා තිබුණේ.

කෝප්‍රල්ලා සාජන්ලා ලෙස හිතන මිනිස්සු හිතනවා ඇති අන්තිම සුමාන දෙකේ තමයි ශිල්ප දක්වන්න පුළුවන් කියලා. වැඩබලන මිනිස්සුන්ට ඕන විදියහට සුමාන දෙකකට වැඩ බැලුවට, අවුරුදු 2යි මාස 9ක් වුණ යුද්ධයක් තේරුම් ගන්නවත් පුළුවන්ද?

යුද්ධයේ අමුතු අමුතු දේවල් කරලා දිනන්න පුළුවන්ද? හැංගෙන ජාතියේ හමුදාපතිවරු හිටියෙත් නෑ, හැංගෙන හමුදාවක් අපිට තිබුණෙත් නෑ. මොනවවුණත් ඒ ජනතාධිපතියි ආරක්ෂක ලේකමුයි හැංඟුනේ නෑ.”